दक्षिण कोरीयाका राष्ट्रपति युन सुक योलले संकटकाल फिर्ता लिने घोषणा गरेका छन् । उनले संकटकाल लगाए लगत्तै सेनाले सडकमा उपस्थिति बढाएको छ । केही विपक्षी नेता र सांसदलाई सेनाले हिरासतमा राखेको छ भने केही भूमिगत भएका छन् ।
संसदमा पनि सेना प्रवेश गरेको छ । संसदको ढोकाहरु सेनाले तोड्न थालेपछि बहुमत सांसदहरु पुगेर संसदको कार्बाही शुरु गरेर संकटकाल फिर्ता गर्न आदेश दिएको थियो ।
संसदको बहुमतको आदेश अनिवार्य कार्यन्वयनको व्यवस्था भएकाले संकटकाल पाँच घण्टामै फिर्ता लिन राष्ट्रपति बाध्य बनेका छन् । अब मन्त्रीपरिषद् बैठक बसेर संकटकाल फिर्ताको निर्णय लिनेछ ।
सेना संसदमा पुग्नु अगाडी नै बिपक्षी पार्टीका बहुमत सांसदहरुले ससदमा छिरेर बैठक शुरु गरेका थिए ।
बिपक्षी पार्टीले उत्तर कोरीयाप्रति सहानुभुति राखेको र देश विरोधी गतिविधि गरेको भन्दै राष्ट्रपतिले मार्सल ल लागू गरेका थिए ।
संकटकाल लागेपछि देशभर नागरिकले प्रदर्शन गरेका थिए । सन् १९८० पछि पहिलो पटक दक्षिण कोरीयामा संकटकाल लागू भएको हो ।
