एजेन्सी । प्यालेष्टाईनको उत्तरी गाजामा ईजरायलले चरम मानवीय अपराध गरीरहेको छ ।गत वर्ष अक्टोबर ७ देखि चरम मानवीय संकट पैदा हुने गरी ईजरायलले हमला जारी रहेको छ ।
उत्तरी गाजामा यस हप्ताबाट ईजरायलले प्यालेष्टाईनीहरुलाई भाग्न दिएको छैन, चौतर्फी घेराबन्दी गरेर हमला गरीरहेको छ, जसका कारण दैनिक दर्जनौँ निहत्था मानिसहरुको ज्यान गईरहेको छ ।
सँयुक्त राष्ट्रसंघ सहित अन्तराष्ट्रिय समुदायले युद्ध विराम गर्न दबाब दिए पनि ईजरायलले गाजालाई थप ध्वस्त पारिरहेको छ ।
बाहिरबाट आउने खाद्यन्न तथा स्वास्थ्य सामाग्रीको सहयोग पनि केही समयदेखि गाजामा प्रवेश गर्न ईजरायली सेनाले दिएको छैन । उत्तरी गाजामा ९ दिनमा मात्रै ३ सय बढी निहत्था प्यालेष्टाईनी महिला बालबालिका र आम नागरिकको मृत्यु भएको अलजजिराले जनाएको छ ।
ईजरायली नाकाबन्दी घेराउ र हत्याका कारण गाजामा प्यालेष्टाईनीहरु जनावार , गधाहरु घोडाहरु मारेर खान बाध्य भईरहेको अक्सफामका अधिकारी बुसरा खालिदिले बताएका छन् ।
उनले १० दिन देखि ईजरायली सेनाले उत्तरी गाजालाई पूर्ण चौतर्फी घेरेर कुनै खाद्यन्न वा सहयोग प्रवेश गर्न नदिएको बताएका छन् ।
यस्तो स्थितिमा प्यालेष्टाईनी नागरिकहरुले बरु घरैमा मर्न तयार भएर बसिरहनु परेको छ ।
यस्तो मानवीय संकट पैदा हुँदा समेत अमेरीका, बेलायत सहित पश्चिमा देशहरु ईजरायललाई हतियार र सहयोग दिईरहेका छन् । रुस ईरान सहितका देशले युद्धको बिरोध गर्दै आएका छन् ।
सँयुक्त राष्ट्रसंघ लगभग निरीह सावित भएको छ । उसले नत युद्ध विराम गराउन सकेको छ नत मानवीय सहायता पुर्याउन नै ।
गाजामा यो अमानवीय स्थितिबाट विश्व समुदायको ध्यान भड्काउन ईजरायलले लेवनानमा बमबारी र आक्रमण जारी राखेको छ ।
