काठमाडौँ पुष ३ । प्रधानमन्त्री पुष्पकमल दाहाल प्रचण्डले एनसेलको सेयर खरिदबिक्रीका क्रममा विदेशमा भएका गतिविधिमा अनुसन्धानबाट कानुनविपरीत पाइए हदै सम्म कार्बाही गर्ने प्रतिवद्धता जनाएका छन् ।
प्रतिनिधिसभाको राज्यव्यवस्था तथा सुशासन समितिको मंगलबारको बैठकमा प्रधानमन्त्रीले एनसेलको सेयर खरिदबिक्रीका क्रममा कानुनविपरीत गतिविधि भएको पाइएकाले छानबिन समिति गठन गरिएको भन्दै समितिले दिने निष्कर्षका आधारमा सरकारले कार्बाही गर्ने बताए ।
एनसेल खरिदबिक्रीमा कहीँ न कहीँ केही न केही भएको शंका लागेकोले छानबिन गरिएको हो । दोषी भए हदैसम्म कारबाही हुन्छ, प्रधानमन्त्रीले सांसदहरुलाई भने ।
प्रधानमन्त्री दाहालले एनसेलको ८० प्रतिशत सेयर न्यून मूल्यांकन भएको र करछलिको कुरा समाचारमा आएपछि छानबिनमा लागेको बताए ।
समितिमा सूचना तथा सञ्चार प्रविधिमन्त्री रेखा शर्माले एनसेल खर्रीद विक्रीको प्रकृया तत्कालका लागि अहिले रोकिएको जानकारी दिएकी थिईन् ।
