पार्टीको केन्द्रीय समितिको अन्तर्राष्ट्रिय विभागले नेपाली राजनीतिक दलका प्रतिनिधिमार्फत २ करोड ७४ लाख ७५ हजार रुपैयाँ बराबरका राहत सामग्री उपलब्ध गराएको छ ।
यस अघि चीन सरकार र अन्य प्रान्तबाट ५० करोड बढीको राहत सामाग्री चीनले उपलव्ध गराईसकेको छ । चीनीया जनमुक्ति सेनाको विमान मार्फत र रसुवा नाकाबाट चीनले ठूलो सहयोग प्रदान गरेको छ ।
त्यसपछि चीनीया कम्युनिष्ट पार्टीले पनि दुतावास मार्फत दलका नेताहरुको हातमा राहत हस्तान्तरण गरेको हो । यो राहत चीनीया दुतावासले नै प्रभावित क्षेत्र जाजरकोट र रुकुम पुर्याउने जनाएको छ ।
काठमाडौंस्थित चिनियाँ दूतावासका नियोग उपप्रमुख वाङ सीनले ती सामग्री नेपाली कांग्रेसका नेता रामहरि खतिवडा, नेकपा एमालेका विदेश विभाग प्रमुख राजन भट्टराई, नेकपा (माओवादी केन्द्र) महासचिव देव गुरुङ र नेकपा (एकीकृत समाजवादी) का नेता जीवनराम श्रेष्ठलाई संयुक्त रूपमा हस्तान्तरण गरेका हुन् ।
छठपछि उक्त सामग्री एकद्वार प्रणालीबाट भूकम्पपीडितलाई हस्तान्तरण गरिने छ ।
