काठमाडौं । कोशी प्रदेशका प्रदेश प्रमुख पर्शुराम खापुङले मुख्यमन्त्रीमा दाबी पेस गरेका दुवै पक्षका उम्मेदवारले पेस गरेका सांसदहरुको सनाखत आज गराउने भएका छन् । आज सनाखत गरिसकेपछि बहुमत जसले पुर्याउछ उसैलाई मुख्यमन्त्री नियुक्त गर्दे प्रदेश प्रमुखको तयारी छ ।
मुख्यमन्त्रीमा दाबी गर्न शुक्रबार साँझ ५ बजेसम्मका लागि दिइएको समय घर्किएपछि प्रदेश प्रमुख खापुङले कानून परामर्श गरेपछि शनिबार बिहान ८ बजेदेखि हस्ताक्षर सनाखत गर्ने निर्णय गरेका हुन् ।
मुख्यमन्त्रीमा कांग्रेसका केदार कार्की र माओवादीका ईन्द्र आङ्बोको छुट्टा छुट्टै दाबी पेस भएपछि प्रदेश प्रमुखले सांसदहरुलाई सशरीर उपस्थित गराएर हस्ताक्षर सनाखत गराउन लागेका हुन ।
पार्टीको आधिकारीक निर्णय र सहमति विपरीत शेखर कोईराला समुहका कार्की सहित केही सांसदले विद्रोह गरी उम्मेद्धारी दिएर एमालेको समर्थन लिएपछि काँग्रेस गंभीर बनेको छ । विद्रोही सांसदलाई फकाउने प्रयास भर्ईरहेको छ । यता पार्टीले बोलाएको बैठकमा समेत नगएर शेखर टाढिएका छन् । उनलाई कुरेर काँग्रेसको बैठक आज बिहानलाई देउवाले सारेका छन् ।
