असोज २६ गोरखा । नेपाली काँग्रेसका महामन्त्री गगन थापाले नेपाली भूमिमा भारतीय प्रधानमन्त्री नरेन्द्र मोदीले गरेको भ्रमण नाङ्गो र ठाडो हस्तक्षेप भएको भन्दै बिरोध जनाएका छन ।
गोरखामा काँग्रेसको दोस्रो जिल्ला सम्मेलनलाई संवोधन गर्दै थापाले भारतको यस्तो हस्तक्षेप र अतिक्रमण रोक्न सम्पूर्ण राजनीतिक दल एक हुनु पर्ने बताए ।
केही दिन अघि मोदी नेपाली भूमि कालापानीको गुञ्जीमा पुगेका थिए । सो दिन नेपालीलाई नै भारतीय सेनाले प्रवेश निषेध गरेको थियो
सन् १९६२ देखि नेपाली भूमि भारतले कब्जा गरेको थियो । सो भूमि नेपालको नक्सामा समेटिए पनि भारत फिर्ता गर्न तयार भएको छैन ।
महामन्त्री थापाले नेपालको अन्तराष्ट्रिय सम्बन्ध सन्तुलित हुनु पर्ने र सबै राजनीतिक दलको साझा दृष्टिकोण हुनु पर्ने भन्दै घरेलु राजनीतिका कारण वैदेशिक सम्बन्ध प्रभावित हुन नहुने बताए ।
उनले गठबन्धनका नाममा चार पाँच जना नेताहरुको मात्र बैठक बस्ने गरेको भन्दै बिरोध जनाए ।
