असोज ६ काठमाण्डौँ । प्रधानमन्त्री प्रचण्ड कार्यकारी प्रमुखको हैसियतमा तेस्रो पटक आजबाट चीनको भ्रमणमा पुग्दैछन् ।
सँयुक्त राष्ट्रसंघीय महासभामा संवोधन गरेपछि प्रचण्ड न्यूयोर्कबाट आज बिहान हङकङ पुगेका छन् । त्याहाँबाट प्रचण्ड सोझै हाङझाओमा पुग्नेछन् ।
जहाँ प्रधानमन्त्री प्रचण्डलाई चीनले गार्ड अफ् अनर प्रदान गर्दै भव्य स्वागत गर्नेछ । त्यसपछि प्रधानमन्त्री प्रचण्डले चीनीया राष्ट्रपतिसँग दिवाभोज सहित भेटवार्ता गर्नेछन् ।
त्यसपछि आजै साँझ दोस्रो पटक राष्ट्रपति सि सँग औपचारीक भेटवार्ता हुने प्रधानमन्त्रीको सचिवालयले जनाएको छ । यस छलफलमा नेपाल र चीनबीचको सम्बन्ध , द्धिपक्षीय हित र के के मुख्य सम्झौता हुने हो त्यस विषयमा गंभीर छलफल हुनेछ । चीनले गार्ड अफ् अनर सहित भव्य स्वागत गर्नुले प्रचण्डलाई निकै महत्व दिएको बु्झ्न सकिन्छ ।
आज उद्घाटन हुने एशियाली खेलकुदको उद्घाटनमा पनि प्रधानमन्त्री प्रचण्ड, कम्बोडियाका राजा , सिरियाका राष्ट्रपति सहित विदेशी राष्ट्र प्रमुख अतिथिका रुपमा उपस्थित हुँदैछन् । प्रचण्डले विश्वप्रसिद्ध कम्पनी अलिबाबा ग्रुपको मुख्यालय पुगेर अवलोकन गर्नेछन् । ७ असोजमा प्रचण्ड हाङ्जाओबाट बेईजिङ पुग्नेछन्। चीनको राजधानीमा बेइजिङमा पनि मन्त्रीले स्वागत गर्ने कार्यक्रम छ।
त्यो दिन बेइजिङमा प्रधानमन्त्री प्रचण्डले नेपाली र चिनियाँ व्यवसायीहरूले संयुक्त रुपमा आयोजना गर्ने ‘चाइना–नेपाल ट्रेड एन्ड इन्भेस्टमेन्ट फोरम’ लाई सम्बोधन गर्नेछन् । बेइजिङमा ८ आसोजमा प्रचण्ड तिआनमेन स्क्वायरमा पुग्नेछन्, जहाँ प्रचण्डले माओ मेमोरियल हलमा फूल चढाउने कार्यक्रम छ।
लगत्तै ९ बजेर ४५ मिनेटबाट आधा घण्टा प्रधानमन्त्री प्रचण्ड र चीनको राष्ट्रिय जनकंग्रेसका अध्यक्ष चाओ लेजीबीच भेटवार्ता हुनेछ। चाओ चिनियाँ कम्युनिस्ट पार्टीको सात सदस्यीय स्थायी समितिमा राष्ट्रपति सी चिनफिङ र प्रधानमन्त्री ली चिङपछि तेस्रो नम्बरका नेता हुन्।
त्यसपछि तिआनमेन स्क्वायरमा प्रधानमन्त्री प्रचण्डलाई गार्ड अफ अनरसहित स्वागत कार्यक्रम राखिएको छ। त्यसपछि सोही ठाउँमा रहेको ग्रेट हल अफ द पिपलमा चीनका प्रधानमन्त्री ली चिङसँग प्रधानमन्त्री प्रचण्डको दुई पक्षीय वार्ता तय गरिएको छ। वार्तापछि दुई प्रधानमन्त्रीको उपस्थितिमा नेपाल र चीनबीच सम्झौता पत्रमा हस्ताक्षर हुनेछ।
लगत्तै चीनका प्रधानमन्त्री लीले प्रधानमन्त्री प्रचण्डको सम्मानमा दिवा भोजको आयोजना गरेका छन्। सोही दिन २ बजे ह्वावे बेइजिङ अनुसन्धान केन्द्र अवलोकन भ्रमण गर्ने कार्यक्रम छ। चीन भ्रमणको चौथो दिन ९ असोजमा प्रचण्ड राजधानी बेइजिङबाट पश्चिमको चीनको सहर चङकिङ जाने कार्यक्रम छ ।
१० असोजमा चङकिङबाट तिब्बतको ल्हासा पुगेर प्रचण्डले चिनियाँ कम्युनिस्ट पार्टीका सिन्जियाङ स्वायत्त क्षेत्रीय कमिटीका सचिव वाङ जुनझेङसँग भेटवार्ता गर्ने कार्यक्रम छ। प्रचण्ड तिव्वतबाट स्वदेश फर्कनेछन् ।
