मंसीर १६ काठमाण्डौँ । रुस र युक्रेनबीच युद्ध शुरु भएको नौ महिनामा सबै भन्दा कठिन लँडाई डोनबासको बखमुटमा चलिरहेको छ । डोनबास कब्जा गर्न अघि बढेको युक्रेनको तीस हजार सेनालाई रुसले तीन तिरबाट घेरा हालेर आक्रमण गरीरहेको छ ।
बखमुट शहर वरपरका सबै अग्ला डाँडाहरुमा रुसको वागनर ग्रुपका सेनाले कब्जा जमाईसकेका छन् ।
युक्रेनी सेनालाई दक्षिण रुटबाट हुने सप्लाई समेत रुसी सेनाले काटिदिएको छ ।
चौतर्फी घेराबन्दीमा परेको युक्रेनी सेनाले आपुर्ति र हतियारको समस्या भोगिरहे पनि सेनालाई पछि हटाउन जेलेन्सकीले अस्वीकार गरेका छन् ।
बखमुटमा दैनिक ५ सय बढी युक्रेनी सेनाको मृत्यु भईरहेको रुसी सञ्चार माध्यमको दावी छ ।
रुसले ड्रोन, आर्टिलरी फायर र हवाई हमला मार्फत युक्रेनी सेनाका पोष्टहरु ध्वस्त पारिरहेको छ । रुसी हमलाबाट बच्न युक्रेनी सेना ट्रेन्च भित्र र भवनहरु भित्र पसेर बसेका छन् । जसलाई ड्रोनबाट रुसी सेनाले निशाना बनाईरहेका छन् ।
केही दिनमै रुसी सेनाले डोनबासको रणनीतिक ईलाका बखमुट कब्जा गर्ने अनुमान गरिएको छ ।
