कार्तिक २० काठमाण्डौँ । चुनावको मुखमा नेता कार्यकर्ताबाट दल अदल बदल गर्ने क्रम अझै रोकिएको छैन । आफ्नो दल छाड्दै अन्य दलमा जाने र आउने क्रम ठूला दलहरुमा भईरहेको देखिन्छ ।
यसै क्रममा आज एमालेका संयौ नेता कार्यकर्ता विभिन्न जिल्लाबाट पार्टी परित्याग गरी माओवादीमा प्रवेश गरेका छन् ।
आज एमाले बागमती प्रदेश कमिटि सचिवालय सदस्य एवं रामेछापका नेता रामकृष्ण लामा सहित दर्जनौँ नेता कार्यकर्ता माओवादी केन्द्रमा प्रवेश गरेका छन् ।
आज उनीहरुलाई माओवादी अध्यक्ष प्रचण्डले खुमलटारमा एक कार्यक्रमका बीच पार्टीमा स्वागत गरेका छन् ।
यसै गरी आजै सिराहामा दुई सय बढी स्थानीय कार्यकर्ता माओवादीमा प्रवेश गरेका छन् ।
यसै गरी उता बागलुंगमा पनि युवा संघका एक दर्जन बढी नेता कार्यकर्ता माओवादीमा प्रवेश गरेका छन् । उनीहरुलाई शिक्षा मन्त्री देवेन्द्र पौडेलले पार्टीमा स्वागत गरेका छन् ।
