डडेलधुरा कार्तिक १९ । प्रधानमन्त्री शेर बहादुर देउवाले षड्यन्त्र गरेर मध्यराति राष्ट्रपतिलाई ब्युझाएर संसद भंग गर्ने एमाले अध्यक्ष केपी शर्मा ओलीले मंसीर चार पछि सरकार बनाउन नसक्ने दावी गरेका छन् ।
आज डडेलधुरामा आयोजित चुनावी सभालाई संवोधन गर्दै देउवाले चुनाव पछि पनि वर्तमान गठबन्धनकै सरकार बन्ने निश्चित रहेको बताए ।
उनले दार्चुलामा गएर भाषण गर्दैमा लिम्पियाधुरा फिर्ता नहुने भन्दै कुटनीतिक पहलमा सरकार निरन्तर लागेको बताए ।
एमाले अध्यक्ष ओलीले दार्चुलामा पुगेर कालापानी, लिम्पियाधुरा र लिपुलेक एमालेले मात्र फिर्ता ल्याउने, देउवा सुदुरपश्चिमको भए पनि बोल्न नसक्ने भन्दै आलोचना गरेपछि आज देउवाले भाषणले भूमि फिर्ता नहुने बताए ।
उनले काठमाण्डौँमै भाषण गरेर भारत हाम्रै हो भन्न सकिन्छ , त्यसरी भाषण गर्दा भयो कि लड्नु पर्यो, बन्दुक ल्यानुस् लडौँ हैन भने कुटनीतिक माध्यमबाट भूमि फिर्ता ल्याउन सरकार प्रतिवद्ध रहेको भन्दै जनतामा भ्रम नफैलाउन ओलीलाई चेतावनी दिए ।
उनले डडेलधुराकै जनताको सहयोगमा आफू पाँचौ पटक प्रधानमन्त्री भएको भन्दै फेरी पनि सहयोग गर्ने विस्वास व्यक्त गरे । डडेलधुराको विकासका बाँकी काम अब आफैले पूरा गर्ने भन्दै देउवाले सुदुरपश्चिममा काँग्रेस र माओवादी मिलेपछि विकासले तीव्रता लिने बताए ।
