एजेन्सी कार्तिक १७ । पाकिस्तानका पुर्व प्रधानमन्त्री इमरान खान माथी गोली प्रहार भएको छ । लाहौरमा सरकार बिरोधि र्यालीलाइ सम्बोधन गर्दा गर्दै खानमाथी गोली प्रहार भएको हो ।
उनको खुट्टामा गोली लागेको छ । गोली लागेर एक खानका समर्थकको मृत्यु भएको छ ।
पाकिस्तानको गुजरान्वालाको हल्लाहवाला चोकमा गोली प्रहार भएको बीबीसीले जनाएको छ। अन्य ९ जना घाइते भएका छन्।
प्रहरीका अनुसार इमरान खानलाई लाहौर अस्पतालमा भर्ना गरिएको छ। उनको स्वास्थ्य स्थिति स्थिर रहेको बताइएको छ। डाक्टरको विशेष टोलीले इमरान खानको उपचार गरिरहेको स्रोतलाई उद्धृत गर्दै एजेन्सीहरुले उल्लेख गरेका छन्।
उनी सहभागी रहेको आजादीका मार्चुमा बिहीबार एक्कासि गोली चलेको थियो। सरकारविरुद्ध भइरहेको उक्त प्रदर्शनमा इमरान खानको हत्या प्रयास भएको विश्लेषकहरुले दाबी गरेका छन्।
इमरान खानसँगै सांसद फैसल जावेद र पूर्व गर्भनर इमरान इस्मेलसमेत घाइते भएका छन्।
