एजेन्सी कार्तिक ७ । ईतिहासले जहिले पनि नयाँ घटनाक्रमको विकासलाई बोकिरहेको हुन्छ । आज भन्दा ७५ वर्ष अघि मात्रै भारत बेलायती शासनबाट मुक्त भएको थियो । भारत स्वतन्त्र हुँदै गर्दा तात्कालिन बेलायती प्रधानमन्त्री विन्सटन चर्चिलले भनेका थिए, भारतीय नेता भुसको पुत्ला जस्ता छन् ।
चर्चिलको त्यो अपमानको बदला लिँदै भारतको पञ्जावमा जन्मिएर अफ्रिका हुँदै बेलायत पुगेर त्याहाँको नागरिकता लिएका सुनक आफ्नो पूर्व शासकहरुमाथि नै शासन गर्ने अवस्थामा पुगेका छन् ।
उनले २८ अक्टोबर महिनामै शपथ लिनेछन् ।
१९४१ को जनगणना अनुसार भारतमा १ लाख ४४ हजार बेलायती नागरिक बस्थे । आज बेलायतमा १६ लाख बढी भारतीय पुगेका छन् । रिसी बेलायतको कन्जरभेटिभ पार्टीबाट सांसद चुनिएका थिए ।
बोरीस जोनसोनले राजीनामा दिएपछि लिज ट्रससँगै प्रतिस्पर्धा गरेका उनी प्रधानमन्त्री हुन सकेका थिएनन् । तर ट्रसले ४६ दिनमै राजीनामा दिएपछि र जोनसोन पनि मैदानमा नआएपछि २ सय बढी सांसदको समर्थनमा उनी प्रधानमन्त्री बनेका हुन् ।
