कार्तिक ४ पोखरा । गठबन्धनका शीर्ष नेताहरुले माथि सबै कुरा मिलिसकेकाले तल विवाद नझिक्न र उम्मेद्धारहरुलाई जिताउने गरी परिचालित हुन निर्देशन दिएका छन् ।
आज पोखरामा आयोजित सँयुक्त प्रशिक्षण कार्यक्रममा बोल्दै काँग्रेस सभापति शेर बहादुर देउवाले माथि सबै मिलिसकेकाले तल विवाद नगर्न र आधिकारीक उम्मेद्धारहरुलाई जिताउने गरी परिचालित हुन निर्देशन दिएका छन् ।
उनले संविधान र लोकतन्त्रको रक्षाका लागि गठबन्धन बनेको पनि स्पष्ट पारे ।
कार्यक्रममा माओवादी केन्द्रका अध्यक्ष प्रचण्डले अब गठबन्धन ऐतिहासिक आवस्यकताका आधारमा संविधान र लोकतन्त्रका लागि बनेको भन्दै यसको पक्षमा मत नदिदा पाप लाग्ने भन्दै सबैलाई मिलेर अघि बढ्न निर्देशन दिए ।
यसै गरी एकीकृत समाजवादीका अध्यक्ष माधव कुमार नेपालले प्रतिगामीहरुलाई परास्त गर्न पनि गठबन्धनको पक्षमा एकजुट भएर उभिन आग्रह गरे ।
