कार्तिक २ ललितुर । नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी चुनावमा माओवादी कमजोर भए अहिले सम्मको प्राप्त उपलव्धि उल्टिने खतरा रहेकाले यो चुनावलाई सामान्य रुपमा नलिन आग्रह गरेका छन् ।
आज प्रेस सेन्टर ललितपुरले आयोजना गरेको कार्यक्रममा प्रचण्डले मंसिर ४ को चुनाव अहिलेसम्म प्राप्त उपलब्धि संघीयता, गणतन्त्र, धर्मनिरपेक्षतालगायत रक्षा गर्न खोज्ने र उपलब्धि तथा परिवर्तन उल्टाउन खोज्ने बीचको लडाइँ भएको बताए ।
‘हाम्रा लागि मंसिर ४ को निर्वाचन सामान्य चुनाव मात्र होइन। जीवन मरणको संघर्षका रूपमा चुनाव छ। उपलब्धि रक्षा गर्ने र उपलब्धि उल्टाउन खोज्ने बीचको लडाइँका रूपमा निर्वाचनलाई लिनुपर्छ,’ प्रचण्डले भने ।
आफ्नो ठाँउबाट अधिकतम जनमत निर्माण गर्न उनले पार्टी पक्तिंलाई निर्देशन पनि दिए ।
उनले केही शक्तिहरू माओवादी एजेन्डा, आन्दोलन र नेतृत्वबारे घेराबन्दीमा लागेको पनि बताएका थिए।
