असोज २९ रुपन्देही । पार्टी भित्रै बसेर बैचारिक संघर्ष गरेका कारण एमाले अध्यक्ष केपी ओलीले लत्याउदै टिकट नदिएपछि रुपन्देही १ बाट स्वतन्त्र उम्मेद्धार बनेका घनश्याम भुषालले प्रचण्डको पूर्ण साथ पाएका छन् ।
भुषाललाई प्रचण्डकै पहलमा पार्टीको उम्मेद्धार नै फिर्ता लिएर सिंगै गठबन्धनको समर्थन रहेको घोषणा भईसकेको छ । एमालेबाट बाहिरिएको घोषणा गरेर उम्मेद्धारी दिएका तिनै नेता भुषालले शनिबार एक चुनावी कार्यक्रममा बोल्दै माओवादी कार्यकर्तामाथि उच्च भरोसाको संकेत दिएका छन् ।
उनले मंसीर ४ मा आफ्ना लागि खसेको मतको बाकसको भारी माओवादी फौजले बोक्ने र यो फौज छुटिसकेको र भारी बाकस लिएर मात्रै फर्किने बताए ।
सारा नेकपा माओवादी केन्द्रको फौज अब जाग्यो भनेर कसम खाएर अगाडि बढ्न अनुरोध गर्छु।’ भुषालले भने ।
साथै भुषालले ओलीले दुई पटक विघटन गरेको संसद प्रचण्ड र देउवाले पुनस्थापना गरेको पनि उल्लेख गरे ।
भुषालको पक्षमा माओवादी सहित गठबन्धनका कार्यकर्ता पनि सक्रिय भएर परिचालित हुन थालेका छन् । उनी त्रिभुज चुनाव चिन्ह लिएर मैदानमा उत्रिएका छन् ।
