असोज २९ काठमाण्डौँ । सरकारमै बसेर सिट संख्यामा चित्त नबुझेपछि एमालेसँग गठबन्धन गरेको जसपाका पाँच मन्त्रीलाई प्रधानमन्त्रीले बर्खास्त गरे । त्यसको रिस जसपा अध्यक्ष उपेन्द्र यादवले जनकपुरमा पोखे ।
मधेश सरकारका मुख्यमन्त्री जसपपाका छन् । जसपाले प्रधानमन्त्रीसँग रिस साँध्न काँग्रेसका तीन मन्त्री प्रदेश सरकारबाट हटायो । तर त्यही गठबन्धनका माओवादी, एकीकत समाजवादीका मन्त्रीलाई भने बर्खास्त गरेन । ती पार्टीका मन्त्रीहरुले राजीनामा समेत दिएका छैनन् ।
अहिले राष्ट्रिय पार्टी बन्ने प्रयासमा रहे पनि सफल हुन नसकेका उपेन्द्र यादवले सरकारमै बस्ने अनि प्रतिपक्षीसँग तालमेल गरेका आधारमा गठबन्धनको सुझाव अनुसार प्रधानमन्त्री देउवाले जसपाका मन्त्रीहरु बर्खास्त गरेका थिए ।
भावी दिनमा कुनै एकल पार्टीको बहुमत आउने र सरकार बन्ने संभावना नरहेका कारण माओवादी र एकीकृत समाजवादीसँगको सम्बन्ध सुमधुर राख्ने प्रयासकै लागि मधेश प्रदेशबाट ती पार्टीका मन्त्री बर्खास्त नगरिएको जसपाका एक नेताले बताए ।
चुनाव पछि सरकारमा फेरी जान सजिलो वातावरण बनाउन यादवले यस्तो रणनीति बनाएको अनुमान लगाउन थालिएको छ ।
