काठमाडौं, २७ असोज । चुनावमा मुखमा एमालेलाई धोका दिएर स्वतन्त्र उम्मेद्धारी दिएका प्रभु शाहलाई माओवादीले समर्थन गरेको छ ।
माओवादी केन्द्र रौतहटले आफ्ना उम्मेदवार धिरज पटेललाई फिर्ता बोलाएर स्वतन्त्र उम्मेदवार प्रभु साहलाई सर्मथन गर्ने निर्णय गरेको हो ।
आज बसेको पार्टीको प्रदेश सदस्यहरूको बैठकले अनौपचारिक रुपमा यस्तो निर्णय गरेको स्रोतको भनाइ छ । केन्द्रीय गठबन्धन निर्णयअनुसार रौतहट–३ को स्वतन्त्र उम्मेदवार साहलाई जिताउने तथा धिरज पटेललाई उम्मेदवारी फिर्ता लिने लगाउने निर्णय भएको हो ।
यस्तै, सम्पूर्ण गठबन्धनका उमेदवारलाई जिताउने निर्णय पनि भएको छ । साथै चार वटा क्षेत्रमा कमाण्ड र आठ वटा प्रदेशसभाको संयोजक गठन भएको छ । जिल्ला स्तरीय चुनाव परिचालन चार सदस्य समिति गठन गरिएको छ ।
प्रशु शाह संदिग्ध रहेको भन्दै ओलीले सार्वजनिक रुपमै टिप्पणी गरेका छन् । पूर्व माओवादी नेता शाहलाई समर्थन गर्ने माओवादी निर्णयले शाहलाई चुनाव जित्न सहज भएको छ । शाह पछि माओवादीसँगै एकीकरणमा आउने संभावना रहेको पनि स्रोतले जनाएको छ ।
