गोरखा, २३ असोज । माओवादी केन्द्रका अध्यक्ष पुष्पकमल दाहाल प्रचण्डले प्रतिनिधिसभा सदस्य पदका लागि उम्मेदवारी दर्ता गरेका छन् ।
उनले गोरखा २ बाट उम्मेदवारी दर्ता गरेका हुन् । डा. बाबुराम भट्टराई, नारायणकाजी श्रेष्ठसहित प्रचण्ड निर्वाचन अधिकृतको कार्यालयमा पुगेर मनोनयन दर्ता गरेका हुन् ।
प्रचण्डले नेपाल समाजवादी पार्टीका अध्यक्ष बाबुराम भट्टराईको प्रस्ताव र माओवादी वरिष्ठ उपाध्यक्ष नारायणकाजी श्रेष्ठको समर्थनमा उम्मेदवारी दर्ता गराए।
बाबुराम भट्टराईले प्रत्यक्षतर्फ उम्मेदवारी चुनाव नलड्ने घोषणा गरेपछि प्रचण्डलाई सो क्षेत्रबाट उठाउने माओवादीले निर्णय गरेको थियो।
प्रचण्ड चितवन क्षेत्र नं ३ बाट एकल सिफारिसमा परेका थिए। अघिल्लो निर्वाचनमा सोही क्षेत्रबाट निर्वाचित भएका प्रचण्ड यसपटक पनि चितवन ३ बाटै उम्मेदवार बन्ने चर्चा थियो।
यो निर्वाचन क्षेत्रमा प्रचण्डसँग नेकपा एमालेबाट अब्दुस मियाँ भिड्दैछन् ।
