असोज ११ काठमाण्डौँ । काँग्रेस भित्र शेखर गुटले समानुपातिकमा आफ्ना मान्छेको नाम कम राखेको, भोली टिकट पनि कम दिन सक्ने भन्दै बिद्रोहको धम्की दिईरहेको छ । पार्टी सभापतिको चुनावमा समेत पाखा लागि सकेका शेखरले आफ्नो गुटलाई ४० प्रतिशत भाग खोज्दै पार्टी सभापति बिरुद्ध धर्ना, नाराजुलुश गराईरहेका छन् ।
कहिले खबरदारी सभा कहिले , भेला गर्दै आएका कोईराला गुट भित्रका नेताले अब भने माग पूरा नभए प्रचण्ड बिरुद्ध उम्मेद्धारी दिने चेतावनी दिएका छन् ।
गुरु घिमिरेले नै आफू प्रचण्ड बिरुद्ध चितवन ३ बाट चुनाव लड्ने सञ्चार माध्यममा दावी गरेका छन् ।
प्रचण्डलाई गठबन्धनले चितवन ३ बाट उम्मेद्धार बनाउदैछ । चितवनकै विद्रोही काँग्रेसले पनि उम्मेद्धारी दिने बताईरहेको छ ।
काँग्रेस भित्र आफ्नो गुटलाई समानुपातिक र प्रत्यक्ष दुबै तर्फ ४० प्रतिशत हिस्सा खोजिरहेको शेखर गुटले माग पूरा नभए काँग्रेसबाट राजीनामा दिएर ठाँउ ठाँउमा स्वतन्त्र उम्मेद्धारी दिन लगाउने तयारीमा जुटेको छ ।
त्यसो त शेखरले लामो समय एमाले अध्यक्ष केपी ओलीसँग समेत भेटवार्ता गरेका थिए । जसमा ओलीले अलग्गिएर आए सहयोग गर्ने आस्वासन समेत दिएका थिए ।
