असोज ७ एजेन्सी । सात महिना लामो युद्धपछि युक्रेन बिखण्डनको चरणमा पुगेको छ । अमेरीका र युरोपेली देशको हतियार र पैसाको भरमा युक्रेनले संघर्ष गरिरहे पनि पूर्वी युक्रेनको डोनबास ईलाका रुसमा बिलय हुने प्रकृयामा जनमत संग्रह शुरु भएको छ ।
आजदेखि खेरसन, जेपोरेजिया, लुहान्सक र डोनेस्क ईलाकामा मतदान शुरु भएको हो ।
आगामी मंगलबार सम्म मतदानपछि बुधबार नै चुनावको नतिजा आउनेछ ।
रुसी राष्ट्रपति भ्लादीमीर पुटिनले आशिंक रुपमा सेना परिचालनको घोषणा गरेको दुई दिन पछि त्याहाँ चुनाव हुन लागेको हो ।
डोनेस्क र लुहान्सकलाई रुसले स्वतन्त्र राज्यको मान्यता दिएर गत फेब्रुअरीमा सैन्य अभियान थालेको थियो ।
यो ईलाकामा ९० प्रतिशत बढी नागरिक रुसी भाषाी रहेका कारण त्याँहाका विद्रोही सेना र रुसी सेनाले सो क्षेत्रबाट युक्रेनी सेनालाई पछि हटाएको थियो ।
यो जनमतसंग्रहलाई युक्रेन, अमेरीका र युरोपेली युनियनले लज्जास्पद भन्दै मान्यता नदिने भनेका छ ।
यो ईलाका रुसमा गाभिए युक्रेनको २० प्रतिशत भुभाग र ६० लाख बढी जनसंख्या रुसमा विलय हुनेछ ।
यस अघि पश्चिमा देशहरुले विद्रोह मार्फत रुस निकट सरकार बर्खास्त गरी पश्चिमा समर्थक सरकार बनाएपछि नै डोनबास ईलाकामा विद्रोह शुरु भएको थियो । सन् २०१४ मै रुसी भाषी बाहुल्य रहेको क्रिमिया जनमतसंग्रह मार्फत रुसमा बिलय भएको थियो ।
