भदौ ११ वुटवल । प्रधानमन्त्री शेरबहादुर देउवा बुटवल बनेको अन्तराष्ट्रिय सम्मेलनकेन्द्रको उद्घाटन गरेका छन् ।
प्रधानमन्त्री देउवा आज वुटवल पुगेर सम्मेलन केन्द्रको उद्घाटन गरेका हुन् ।
बुटवल मण्डपमा निर्मित सभाहल र प्रर्दशनी स्थल सहरी विकास मन्त्रालयले एक अर्ब ११ करोडको लागतमा निर्माण गरेको हो ।
एउटै छानोमुनि दुई हजार सात सय जना क्षमताका सनाठूला १३ वटा हलसहित तयार भएको अन्तर्राष्ट्रिय स्तरको यो सम्मेलन केन्द्र काठमाडौं भन्दा बाहिरको सबभन्दा ठूलो क्षमताको सम्मेलन केन्द्र हो।
बुटवल मण्डपमा रहेको साढे १६ बिघा जग्गामध्ये ९ दशमलव ६ विगाह क्षेत्रफलमा सम्मेलन केन्द्र निर्माण भएको छ। सम्मेलन केन्द्रदेखि पश्चिमतर्फको ६ दशमलव ४ बिगाह क्षेत्रफलमा भने अन्तर्राष्ट्रिय स्तरको प्रदर्शनीकेन्द्र बनिरहेको छ ।
उद्घाटन कार्यक्रममा गृहमन्त्री बालकृष्ण खाँण, नेकपा एमालेका उपाध्यक्ष एव पूर्वअर्थमन्त्री विष्णुप्रसाद पौडल, शहरी विकास मन्त्री मेटमणि चौधरी, पूर्वमन्त्री रामकुमारी झाँक्रीलगायतको उपस्थिति रहेको छ।
