भदौ १० काठमाण्डौँ । नेकपा एमालेका अध्यक्ष केपी शर्मा ओलीले एमालेलाई आगामी निर्वाचनमा बहुमत पुग्न केवल १६ प्रतिशत मतको मात्र अभाव रहेको प्रतिवेदन पेश गरेका छन् ।
राष्ट्रियता, लोकतन्त्रको रक्षा गर्दै सुखी नेपाली समृद्ध नेपालको सपना साकार पार्ने एमाले मात्र जनतामा स्थापित नेता भएको भन्दै ओलीले अब विभिन्न दलबाट पार्टी प्रवेश गराएर, जनमत बनाएर चुनावमा बहुमत ल्याउने गरी लाग्न पार्टी पक्तिलाई निर्देशन दिएका छन् ।
१९ पृष्ट लामो राजनीतिक प्रतिवेदनमा एमाले बिरुद्धको षड्यन्त्र चूनौतीपूर्ण भएपनि अभेद्य नरहेको ओलीको निष्कर्ष छ ।
साना दलहरुसँग सहकार्य गर्ने तर आगामी निर्वाचन एक्लै लड्न पनि तयार हुनु पर्ने ओलीको धारणा रहेको छ ।
यसै गरी नागरिकता विधेयकको हकमा ओलीले बैबाहिक अंगीकृत नागरिकता प्रदान गर्ने केही न केही समय राख्नु पर्ने धारणा राखेका छन् ।
