भदौ ९ एजेन्सी । रुसले युक्रेनमा फेरी अत्याधुनिक हाईपरसोनिक मिसाईल स्कन्दर प्रहार गरेको छ । डेनप्रोपेट्रोभ्सक रेल स्टेशनमा डोनबास तर्फ हतियार र सेना लिएर आँउदै गरेको रेलमा यो क्षेप्यास्त्र हानिएको रुसी रक्षा मन्त्रालयले जनाएको छ ।
यस हमलामा २ सय युक्रेनी सेनाको मृत्यु भएको र थुप्रै पश्चिमा देशहरुले दिएको हतियार नष्ट भएको पनि रुसी रक्षा मन्त्रालयका प्रवक्ता ईगोर कोनासेन्कोभले बताए ।
यसै गरी खाकोभ्का बस्तीमा पनि अर्को क्षेप्यास्त्र प्रहार गरि युक्रेनी सेनाको सात वटा सैन्य पोष्ट नष्ट पारिएको रुसको दावी छ । सो घटनामा ६४ युक्रेनी सेना मारिएको दावी रुसले गरेपनि युक्रेनले केही बताएको छैन ।
रेल स्टेसनमा भएको हमलामा २० सर्वसाधारण मारिएको युक्रेनका राष्ट्रपति जेलेन्सकीले बताएका थिए ।
अमेरीकाले युक्रेनलाई ३ अर्ब डलरको सैन्य सहायता दिएको घोषणा गरेको भोलिपल्टै रुसले घातक क्षेप्यास्त्र प्रहार गरेको हो ।
