एजेन्सी भदौ ४ । रुसले बिशेष सैन्य अभियानका क्रममा युक्रेनका लागि लडिरहेका २० अमेरीकी सहित एक सय बढी विदेशी लडाकुको मृत्यु भएको बताएको छ ।
रुसी रक्षा मन्त्रालयले आज आयोजित पत्रकार सम्मेलनमा उत्तरी युक्रेनको खारकोवको एउटा गाँउमा ती विदेशी लडाकुहरु रहेको जनाएको छ ।
एकै दिन ठूलो संख्यामा विदेशी लडाकुहरु मारिनुका साथै ६ वटा ड्रोन, सात वटा कमाण्ड पोष्टहरु पनि ध्वस्त पारिएको रुसको दावी छ ।
रुस बिरुद्ध लड्न युरोप र अमेरीकाका हजारौँ लडाकु युक्रेनमा परिचालित छन् । ती मध्य थुप्रोको मृत्यु भईसकेको रुसको दावी छ ।
यसैबीच, युक्रेनले रुसको ब्लाक सि फ्लिटमा ड्रोन मार्फत हमला गरेको छ । क्रिमियाको तटमा रहेको युद्धपोतमा भएको हमलामा चालक दलका ५ जना घाईते भएको र जहाजमा सामान्य क्षति पुगेको क्रिमियाको सेभेष्टोपोलका गभर्नरले बताएका छन् ।
यसैबीच युक्रेनमा सैन्य अप्रेसनमा सहभागी रुसी सेनाहरु विरामी पर्न थालेका छन् । क्रित्रिम रुपमा केमिकल विषाक्त फैलिदा सेनाहरु बिरामी परेको रुसी रक्षा मन्त्रालयले जनाएको छ । अस्पतालमा बिरामी सेनाहरु भर्ना भएका छन् । यो युक्रेनको तर्फबाट केमिकल फैलाईएको हो या के कारण हो अनुसन्धान भईरहेको रुसले जनाएको छ ।
