एजेन्सी साउन ४ । विश्वव्यापी रुपमा जलवायु परिवर्तनको गंभीर असर देखिएको छ । प्रकृतिमाथिको अत्याधिक दोहनको परिणाम स्वरुप जलवायु परिवर्तनले गंभीर रुप देखाउन थालेको छ ।
खास गरी अहिले पश्चिम यूरोप, अफ्रीका र पश्चिम एशियामा भीषण गर्मी बढेको छ ।
यही कारण स्पेन र पोर्चुगलमा मात्रै १७ सय मानिसको मृत्यु एक साता भित्र भएको अन्तराष्ट्रिय सञ्चार माध्यमहरुले जनाएका छन् ।
नासाका अनुसार पोर्चुगलको तापक्रम ४५ डिग्रि पुगेको छ । पोर्चुगलको तीन हजार हेक्टर जमिन जलेर खरानी भएको छ । यस्तै स्पेनको १५ सय हेक्टर ईलाका खरानी भएको छ ।
आगो नियन्त्रणका लागि जनशक्ति परिचालन भएको छ । यो समस्या फ्रान्समा पनि देखिदै गएको छ । यसै गरी बेलायतमा पनि अत्याधिक गर्मीका कारण जनजीवन कष्टकर बन्दै गएको छ ।
अत्याधिक तापक्रमका कारण ईटालीको मारमोलादा ग्लासियर पग्लिदा ११ पर्वतारोहीको मृत्यु भएको छ ।
उता अफ्रिकाको ट्युनिशियामा पनि अत्याधिक गर्मीका कारण बालीनाली जलेर नष्ट भएको छ ।
जता ततै डढेलो लागेको र सडकको अलपत्र समेत पग्लन थालेको भन्दै यूरोपमा मानिसहरु चिन्तित बनिरहेका छन् ।
उत्तर अमेरीकी देश, भारत, चीन जस्ता देशमा पनि जलवायु परिवर्तनले असर पुर्याउन शुरु गरेको नासाको दाबी छ ।
यो परिवर्तनले मानवस्वास्थ्यका अतिरिक्त अन्य गंभीर परिणाम ल्याउन सक्ने नासाको चेतावनी छ ।
