असार ९ एजेन्सी । पछिल्लो रुस युक्रेन युद्धपछि अमेरीका र युरोपले रुसमाथि प्रतिवन्ध लगाएसँगै शक्तिशाली अन्य देशहरुले डलर र अन्तराष्ट्रिय भुक्तानी प्रणालीको विकल्प खोज्न शुरु गरेका छन् ।
रुसमाथि प्रतिवन्धका क्रममा वैदेशिक मुद्रामाथि लिईएको नियन्त्रण, रुसी बैंकहरुलाई अन्तराष्ट्रिय भुक्तानी प्रणाली स्वीफ्ट बाट बाहिर निकालिएपछि अहिले रुसले भारत, चीन, दक्षिण अफ्रीका, ब्राजिल जस्ता देशहरुमा तेल निर्यात बढाएको छ । अन्य व्यापार पनि बृद्धि भएको छ ।
यी पाँच देशको अलग्गै समुह ब्रिक्सको बिजनेस फोरमलाई संवोधन गर्दै रुसी राष्ट्रपति भ्लादीमीर पुटिनले अन्तराष्ट्रिय रिजर्भका लागि नयाँ मुद्राको विकासमा काम भईरहेको बताए ।
साथै अन्तराष्ट्रिय भुक्तानी प्रणालीको विकासमा पनि ब्रिक्स देशहरु लागेको बताए ।
यदी त्यो पाँच शक्तिशाली देशले अलग्गै मुद्रा र भु्क्तानी प्रणालीको विकास गरेमा डलरको प्रभाव विश्वव्यापी रुपमा खुम्चिने निश्चित छ ।
