कार्तिक २२ एजेन्सी । आफैले मध्यरातमा भाषण गरेर आफूले चुनाव जीतिसकेको र बिजय उत्सवको तयारी भएको घोषणा गरेका अमेरीकी राष्ट्रपति डोनाल्ड ट्रम्प मतगणनामा थप पछि परेका छन् ।
उनले शुरुमा लिड गरेको पेन्सिलभानिया र जर्जियामा पनि डेमोक्रयाट उम्मेद्धार जोई बाईडेनले अग्रता बनाएका छन् । त्यस पछि पुनः मतगणनाका लागि ट्रम्प क्याम्पेनले हालेको उजुरीका आधारमा पुनः मत गणना हुने संभावना रहेको छ ।
यस अघि फ्लोरिडामा ट्रम्पले जीतले पनि अरु धेरै निर्णायक राज्यहरुमा बाईडेनले जीत दर्ता गराएसगैँ राष्ट्रपति हुने सभावना बलियो बनाएका छन् ।
बाईडेन २५३ ईलेक्टोरल कलेज भोट जीतेर जीतको नजिक पुगेका छन भने टम्प २१४ मात्र ईलेक्टोरल भोट जीतेर पछि परेका छन् ।
बाँकी मत गणना भईरहेका ५ राज्य मध्य ४ राज्यमा बाईडेनको अगता रहेकाले पनि उनी राष्ट्रपति हुने संभावना बलियो बनेको छ । ट्रम्पले धाँदली भएको आरोप लगाईरहदाँ ठाँउ ठाँउमा तनावपूर्ण र हिंशात्मक प्रदर्शनहरु भएका छन् ।
