जेष्ठ १ एजेन्सी । विश्व स्वास्थ्य संगठनले कोरोना भाईरस कहिले पनि निर्मुल हुन नसक्ने संभावना रहेको चेतावनी दिएको छ ।
बुधबार डब्लुएचओका आपतकाल निर्देशक डा. माईक रायनले धेरै मानिसहरुले भाईरस कहिले लोप हुन्छ भनेर भनिरहेका छन् , तर भ्याक्सिन पत्ता लाग्यो र निकै प्रयास भए पछि कन्ट्रोल भने गर्न सकिने बताए ।
यो भाईरस पछि अर्को महामारी आउन सक्छ, एचआईभी एडस् कहिले पनि निर्मुल नभएको उदाहरण दिदै कोरोना पनि त्यस्तै हुन सक्ने तर यसलाई नियन्त्रण गरेर अघि बढ्न सकिने उनले बताए ।
अरु महामारीको पनि उदाहरण दिदै सम्पूर्ण रुपले लोप हुने अनुमान गर्न नसकिने भन्दै उनले नियन्त्रण गरेर अघि बढ्दै जानु पर्ने बताए ।
विश्वभर करीब १ सय भन्दा बढी भ्याक्सिनहरु परीक्षणको चरणमा रहेको उनले बताए ।
डब्लुएचओका निर्देशक डा. टेड्रोस एदनाम गेब्रियसले यो भाईरस नियन्त्रण गरेर अघि जान सबैको साझा प्रयास भाईरस नियन्त्रणका लागि भईरहेको बताए । हरेकले भाईरस नियन्त्रणकै लागि प्रयास गर्नु पर्ने उनले बताए ।
