एजेन्सी फागुण २४ । रुसका शक्तिशाली राष्ट्रपति भ्लादीमीर पुटिनले आफ्नो व्यक्तिगत भविष्यका लागि नभई रुसको आगामी दशकौं सम्मको भविष्य सुरक्षित गर्न संविधान शसोधन गर्न लागिएको बताएका छन् ।
२ दशक देखि रुसको नेतृत्व सम्हालीरहेका पुटिनमाथि विपक्षीहरु र विदेशी शक्तिहरुले फेरी नेतृत्वमा रही रहनका लागि संविधान शसोधनको प्रस्ताव ल्याएको आरोप लगाईरहेका बेला पुटिनले सो कुरा बताएका हुन् ।
मलाई मेरो काम मन पर्छ, यो साचोँ होईन कि म सत्तामा रहन चाहन्छु , पुटिनले भने ।
ईभानोभो शहरमा आयोजना गरिएको एउटा सार्वजनिक कार्यक्रममा उनको यो प्रतिकृया आएको हो । स्टेट काउन्सीललाई शक्तिशाली बनाउने लगायतका प्रस्ताव पुटिनले आफ्नो लागि ल्याएको आरोप लागेका बेला उनले आगामी ५० बर्षका लागि रुसको भविष्य सुरक्षित गर्न देशलाई ध्वस्त हुनबाट बचाउन यो आवस्यक रहेको उनको टिप्पणी थियो ।
सन् २०२४ पछि उनी सत्ताबाट विद्यमान सविधान अनुसार बाहिर रहने छन् ।
