फागुण १४ एजेन्सी । भारतले निकै तामझामका साथ अमेरीकी राष्ट्रपति डोनाल्ड ट्रम्पलाई हैदराबादमा स्वागत गरेकै दिन सोमबार दिल्लीको उत्तर पूर्वी क्षेत्रमा तनावग्रस्त स्थिति बनेको थियो । सो दिन मात्रै राति सम्म चलेको हिंशामा ७ जना बढीको ज्यान गयो । जसमा एक जना प्रहरी पनि थिए ।
त्यस पछि ट्रम्प दिल्लीमै रहेका बेला हिजो पनि स्कुल, रेल,बाटो धेरै ठाँउमा अवरुद्ध भए कारण मोदी सरकारले ल्याएको नागरिकता कानुन ससोधन फिर्ता गर्नु पर्ने माग सहित । हिजो पनि सयौ ठाँउमा आगजानी तोडफोड मानिसको ज्यानै गएको छ । दिल्लीमा मात्रै पछिल्लो दुई दिन चलेको हिशामा मारिनेको संख्या १३ पुगेको छ ।
यसैबीच सरकारले प्रदर्शनकारीलाई देख्ने वित्तिकै गोली हान्ने आदेश दिए पछि चारैतिर ब्यापक मात्रामा प्रहरी परिचालन गरिएको छ । ठाँउ ठाँउमा सरकार विरुद्ध धर्ना बसेका महिलाहरुलाई प्रहरीले हटाएको छ भने बिशेष हिंशाग्रस्त क्षेत्रमा कफ्र्यु समेत लगाएको छ ।
भारतमा बंगलादेश, अफ्गानिस्तान र पाकिस्तानबाट भारत आउने गैर मुस्लिम लाई नागरिकता दिने गरी कानुन ल्याए पछि मुसलमान र आदिवासीमाथि भेदभाव भएको भन्दै महिनौदेखि भारतमा आन्दोलन चलेको छ । यस क्रममा दर्जनौ मान्छेले ज्यान गुमाएका छन् ।
