मंसीर २० नयाँ दिल्ली । भारतको हैदरावादमा एक महिला डाक्टरको बलात्कार र हत्या आरोपमा पक्राउ परेका चार अभियुक्तलाई प्रहरीले ‘इन्काउन्टर’ मा मारिदिए पछि सरकार विरुद्ध प्रश्न उठेको छ ।
दिल्ली उच्च अदालतमा अपराध मामिलाको वकिल रेबेका मेनन जोन र हैदरावादस्थित कानुनकी प्रोफेसर तथा मानवअधिकार कार्यकर्ता कल्पना कन्नाबिरनले प्रहरी कारवाहीमाथि प्रश्न उठाउँदै सामाजिक सञ्जाल फेसबुकमा प्रश्न गरेका छन् ।
रेबेकाले फेसबुकमा लेखेकी छन्, ‘कति सजिलै हामी भीडको हातबाट न्यायको उत्सव मनाइरहेका छौँ, त्यो प्रहरी जसमाथि कसैले पनि विश्वास गर्न सक्दैन, आधा रातमा चार निःसशस्त्र मानिसको हत्या गर्छ, किन ?’
जवाफमा उनी आफैँ लेख्छिन्, ‘किनकि यस्ता मानिस रहोस् या नरहोस्, कसैलाई केही फरक पर्दैन ।’
उनले प्रश्न गरेकी छन्, ‘के दिल्ली प्रहरीले पहुँचवालामाथि पनि यस प्रकारको व्यवहार गर्न सक्छ, जो जोर बाग र महारानी बागमा बस्छन् रु उनीहरुले नै अपराध गरेका थिए भन्नेमा हामीसँग त्यस्तो के बलियो प्रमाण थियो र ? के कुनै अदालतले उनीहरुलाई देखेको थियो र ? उनीहरुलाई अपराधी करार गरिएको थियो ? कानुन व्यवशायीहरुको प्रश्न छ ।
प्रहरीले आरोपीहरुले प्रहरीको हतियार खोसेर फायरीगं गर्न खोजे पछि ईन्काउन्टर गरिएको दावी गरेको छ ।
