एजेन्सी कार्तिक ७ । थाईल्याण्डका राजाले गत जुलाईमा मात्र सहोगीका रुपमा रहेकी सिनीनात वोगबजीरापाकडीलाई प्रदान गरिएको मानपदवी खोसेका छन् ।
शाही बक्तव्यमा सहयोगीको पदवी दिए पनि आफैलाई शाही महारानी जस्तो बनाउन खोजेकाले सम्मान खोसिएको जनाईएको छ ।
नयाँ राजा महा वाजिरालोगंकोनले २०१६ मा आफ्ना बुवाको निधन भए पछि राजा वनेदेखि नै आफू विरुद्ध आलोचना गर्न प्रतिवन्ध लगाएका छन् ।
राजाले सुथिदासँग विवाह गरेको घोषणा गरेर उनलाई महारानीको उपाधि दिएको केही समयपछि सिनीनातलाई आफ्नी उपपत्नीमा बढुवा गरेका थिए। महारानी सुथिदा उनकी चौथी पत्नी हुन्। यसअघि उनले आफ्ना तीन विवाहिता पत्नीलाई छोडिसकेका थिए।
तर सिनीनातले महारानीसरहको स्थान खोजेको र उनको व्यवहार अपमानजनक भएको आरोपमा उनका सबै राजकीय उपाधि खोसिएको छ। सन् २०१६ मा आफ्ना पिताको देहान्त भएपछि वाचिरालङ्कनले थाईल्यान्डको राजगद्दी आरोहण गरेका थिए।
थाई शाही कानुनले राजतन्त्रको आलोचना गर्न प्रतिबन्ध लगाएको छ। कसैले त्यसो गरेमा धेरै वर्ष जेल सजाय हुन सक्छ। शाही परिवारले उनलाई सहयोगी बनाएको तर राजाको पत्नी होईन भन्दै अधिकार खोसेको जनाएको छ ।
३४ वर्षे ती महिला राजाको बडीगार्ड, प्यारासुट सैनिक, पायलट एवं सेनाकी मेजर हुन् । उनलाई जुलाईमा उनलाई रोयल नोबल कन्सोर्ट बनाएर राजाले एक प्रकारको पत्नी जस्तो सम्बन्ध बनाएको अन्तराष्ट्रिय सञ्चार माध्यमहरुले जनाएका छन् ।
