असोज १५ एजेन्सी । अमेरिकी राष्ट्रपति डोनाल्ड ट्रम्पले आप्रवासीको आगमनलाई सुस्त बनाउन खुट्टामा गोली हान्न सुझाव दिएका छन्।
आप्रवासीहरुलाई दक्षिण बोर्डरबाट अमेरिका भित्रिन नदिनका लागि अपनाउनुपर्ने विधिमध्ये उनले एउटा यो सुझाव दिएको द न्युयोर्क टाइम्सका दुई पत्रकारले निकालेको किताबमा उल्लेख छ । उनले एक गोप्य बैठकमा त्यस बोर्डरमा गोही, सर्प, तार तथा बिजुली लगाइदिन समेत आग्रह गरेको द न्यु योर्क टाइम्सले जनाएको छ ।
दक्षिण बोर्डरमा पर्खाल बनाउन राष्ट्रपति ट्रम्पको मुख्य उद्देश्य रहेको छ। त्यस क्षेत्रमा कम्तीमा पनि ३२१८ किलोमिटर लामो पर्खाल बन्दैछ ।
उनले गोप्य रुपमा सेनालाई आप्रवासीको खुट्टामा गोली हान्न आग्रह गरेका हुन् तर उनलाई त्यसो गर्नु अवैध हुने समेत बताइएको थियो ।
ट्रम्प एशिया तथा अफ्रीकाबाट अमेरीका जाने नागरिकलाई रोक्ने अभियानमा निरन्तर लाग्दै आएका छन् ।
