काठमाडौं साउन १ ।
अमेरिकाको प्रतिनिधिसभाले राष्ट्रपति डोनाल्ड ट्रम्पविरुद्ध खेद प्रस्ताव पारित गरेको छ । चार महिला सांसदविरुद्ध कथित नस्लीय टिप्पणी गरेकाले ट्रम्पविरुद्ध खेद प्रस्ताव पारित गरिएको हो ।
१८७ डेमोक्रेटिक सदस्य रहेको प्रतिनिधिसभामा खेद प्रस्ताव २४० मतले पारित भएको बीबीसीले जनाएको छ । यसबाट ट्रम्पकै पार्टी रिपब्लिकनका सांसदहरुले पनि ट्र्म्पविरुद्धको खेल प्रस्तावको पक्षमा भोट दिएको बुझिएको छ ।
अमेरिकी राष्ट्रपति ट्रम्पले चार महिला सांसदहरु अलेक्जेन्ड्रिया ओकासियो कोरटेज, रशिदा तलिब, अइयाना प्रेस्ली र इल्हान ओमारविरुद्ध ट्वीटरमा कडा टिप्पणी गर्नु भएको थियो ।
खासगरी ट्रम्पले ओमारलाई लक्षित गर्दै पूर्णरुपमा असफल राष्ट्रबाट अमेरिका आएको भन्दै पुरानै मुलुकमा फर्कन भन्दै ट्वीटसँगै उहाँ पुनः विवादमा तानिनु भएको हो ।
यो टिप्पणीको व्यापक आलोचना भइरहेको छ । खेद प्रस्तावमा ट्रम्पको टिप्पणीलाई नश्लवादी भनिएको छ । यद्यपि ट्रम्पले त्यसलाई नश्लवादी नभएको जिकीर गर्दै आउनु भएको छ ।
