एजेन्सी, जेठ ७ ।
माछामो संख्यामा कबमि आएके भन्दै बंगलादेश सरकारले ६५ दिनका लागि माछा मार्न प्रतिबन्ध लगाएको छ ।
माछाको संख्या बढाउन र माछाको भण्डारणमा सन्तुलन ल्याउन तटीय क्षेत्रमा ६५ दिनसम्म माछा मार्न प्रतिबन्ध लगाएको अधिकारीहरुले बताएका छन् ।
सबै प्रकारका माछा मार्ने जहाजमा प्रतिबन्ध लगाइएको बंगलादेशका अधिकारीहरुलाई उद्धृत गर्दै अन्तर्रा्ष्ट्रिय सञ्चारमाध्यमहरुले जनाएका छन् ।
तर, हजारौंको संख्यामा रहेका माछा मार्ने समुदाय भने सरकारी निर्णयको विरोधमा देखिएका छन् ।
उनीहरुले सरकारी निर्णयको अवज्ञा गर्दै विरोधमा उत्रने तयारी गरेका छन् । सरकारले लगाएको प्रतिबन्ध आगामी २३ जुलाईसम्म लागू हुने छ ।
बंगलादेशको मत्स्यपालन तथा पशुधन मन्त्री असरफ अलीले सरकारी निर्णय संयमतापूर्वक कार्यान्वयन नभए बंगलादेशबाट माछा समाप्त हुने र यसले भविष्यमा ठूलो क्षति बेहोर्नुपर्ने बताए । बंगलादेश सरकारले प्रत्येक वर्ष २० मेदेखि २३ जुलाईसम्म माछा मार्न प्रतिबन्ध लगाउने जनाएको छ ।
