चीनसंगको व्यापार सम्झौता नजिक पुगेको अमेरिकाले दावी गरेको छ । अमेरिकी राष्ट्रपति डोनाल्ड ट्रम्पले चीनसंग व्यापार सम्झौताका लागि तयार रहेको भन्दै ४ हप्ताभित्र घोषणा गर्ने बताउनु भएको बीबीसीले उल्लेख गरेको छ ।
यद्यपि बेइजिङले एउटा सम्झौता अपुरो राखेकाले समग्र व्यापार सम्झौतामा असर पुग्ने भन्दै सो सम्झौता पुरा गर्न बेइजिङलाई चेतावनी दिनु भएको छ । चीनियाँ नेता लीउ हीसंगको भेटका क्रममा राष्ट्रपति ट्रम्पले सम्झौताका केही कठिन विन्दुमा सहमति जुटे पनि अझै विलम्ब हुने मतभेदहरु रहेको उल्लेख गर्नु भएको थियो ।
यदि सम्झौता भए चीनियाँ राष्ट्रपति सी जिनपिंगसंग शिखर सम्मेलन आयोजना गर्ने उहाँको भनाई थियो । चुलिएको व्यापार युद्द अन्त्यका लागि दुबै मुलुक प्रयासरत छन् । शक्तिशाली दुई मुलुकबीच चुलिएको व्यापार युद्दका कारण विश्व अर्थतन्त्रलाई समेत असर पुगेको छ ।
