एजेन्सी ।
अमेरीकामा उठिरहेको जहाज एकाएक मानववस्ती रहेकाे घरको छतमा खस्दा पाँच जनाको मृत्यु भएको छ । क्यालिफोर्नियामा जहाज घरको छतमा खसेर दुर्घटना भएको अन्तर्राष्ट्रिय संचारमाध्यमहरुले बताएका छन् । लस एन्जेल्स नजिकै योरबा लिन्डामाथि उडिरहेको विमान सेस्ना ४१४ ए मा एक्कासी आगो लागेपछि घरको छतमा खसेको स्थानीय संचारमाध्यमहरुले बताएका छन् ।
प्रहरीका अनुसार विमान बजारिएको घरमा मालिकले एक पार्टीको आयोजना गरेका थिए। सोहि क्रममा त्यहाँ सहभागी ४ जनाको मृत्यु भएको हो ।
दुर्घटनामा परेको उक्त विमानका टुक्राहरु अन्य घरसम्म पुगेको भएपनि कुनै मानवीय क्षति हुन् नपाएको बताइएको छ । विमान दुर्घटना भएर छतमाथि खसेको थाहा पाएपछि त्यहाँबाट भागेर केहि व्यक्तिहरुले ज्यान जोगाउन सफल भएका थिए ।
एक्कासी आगोलागी भएपछि दुर्घटनामा परेको उक्त विमानका चालक अवकाशप्राप्त पुलिस अधिकारीको मृत्यु भएको हो भने दुर्घटनामा थुप्रै घाइते भएका छन् । विमानमा पाईलट बाहेक अन्य कोहि सवार नभएको जनाइएको छ ।
