काठमाडौं ।
नेपालका भीआईपीहरु काे रवाफ थेगिनसक्नु छ । कहि निस्कनुपर्याे भने सर्वसाधारणकाे दैनिकि नै प्रभावित हुन्छ । नेपालका राष्ट्रपति, प्रधानमन्त्री मात्रै होइन, मन्त्रीलगायतका भीआईपीहरु साइरनजडित गाडीमा हुइँकिनेदेखि भड्किलो जीवनशैलीका कारण सर्वसाधारणका नजरमा अालाेचित पनि छन् ।
तर, अमेरीका जस्ताे शक्तिराष्ट्रका भीआईपीहरुकाे जीवनसैलीले सबैलाइ अचम्मित पार्ने गरेकेा छ । त्यहाँका भीआईपीहरु रवाफिलो भन्दा पनि सरल जीवन बाँच्छन् । उनीह समान्य कामहरू अाफै गर्छन् । जनताका दुःखमा हात अघि बढाउँछन् । राजनीतिलाई साँच्चै उत्तरदायी र सेवाको रुपमा उपयोग गर्छन् ।
यसैक्रममा अमेरिकाका पूर्वराष्ट्रपति बाराक ओबामाले बासिंटन डीसीस्थित चिल्ड्रेन्स नेशनल हस्पिटल पुगेर क्रिसमसको अवसरमा बालबालिकालाई उपहार बाँडेका छन् । जुन बिषय अहिले चर्चामा छ ।
सान्टा क्लजले लगाउने शीरमा रातो फ्लपी टोपी र काँधमा धोक्रो बोकेर अस्पताल पुगेका ओबामालाई देखेर धेरै व्यक्ति आश्चर्यमा र्छन् । उनले बिरामी बालबालिकाहरुलाई भेटेर उपहार बाँड्नुका साथै तस्वीरसमेत खिचाएकाे बासिंटन पोस्टले लेखेको छ । । अस्पतालमा ९० मिनेट बिताएका उनले चिकित्सक तथा नर्ससँग भलाकुसारी गर्नुका साथै आफ्ना बालबालिकाको बिमारीबाट चिन्तित अभिभावकलाई सहानुभूति पनि दिए।
बालबालिकालाई दिने उपहारको धोक्रो बोकेर हिँडेका ओबामाको फोटो र भिडियो अहिले सामाजिक सञ्जालहरुमा भाइरल बनेको छ ।
