एजेन्सी, कात्तिक ३० ।
बेलायती प्रधानमन्त्री थेरेसा मेले ब्रेक्जिट मुद्धालाई लिएर आफुले पदबाट राजीनामा नदिने स्पष्ट पार्नु भएको छ ।
ईयूबाट बेलायतको बहिर्गमन सम्बन्धी सम्झौताको मस्यौदालाई मन्त्रिपरिषद् बैठकले अनुमोदन गरेसँगै उत्पन्न विवादपछि राजनीतिक बृत्तमा राजीनामाको चर्चा चले पनि प्रधानमन्त्री मेले यसलाई ठाडै अस्वीकार गर्नु भएको हो ।
मेले ब्रेक्जिट सम्झौतालाई अन्तिम निष्कर्षमा पुगेको हेर्न चाहेको बताउनु भएको छ । संसदबाट बाहिरिने क्रममा प्रधानमन्त्री मेले आफुले छानेको बाटो देश र जनताको लागि सही निर्णय भएको प्रतिक्रिया दिनुभयो ।
उहाँले ईयूबाट बाहिरिने सम्झौतामा बेलायतले आफ्नो कदम अघि नबढाए भोलिका दिनमा उत्पन्न हुन सक्ने नतिजाका बारेमा कसैले केही भन्न नसक्ने उहाँको धारणा थियो ।
बेक्जिटको निर्णय बेलायती जनता र राष्ट्रको हितमा रहेको भन्दै प्रधानमन्त्री मेले चाँडै नै सबैले यसको महत्वलाई बुझ्ने जिकिर गर्नु भयो । मन्त्रिमण्डलको बैठकमा बेक्जिट मुद्धाबारे लामै छलफल भएको थियो ।
त्यसलगत्तै केही मन्त्रीले पदबाट राजीनामा दिएका थिए । मन्त्रीहरुको राजीनामासँगै प्रधानमन्त्री मेविरुद्ध पनि अविश्वासको प्रस्ताव आउने चर्चा चलेको थियो ।
