अमेरीकी अखबार वासिंग्टन पोष्टमा काम गर्ने साउदी पत्रकार खासोग्गीको हत्यामा साउदी अरबका राजकुमारको कुनै भूमिका नरहेको विदेश मन्त्री अदेल अल जुबेरले दावी गरेका छन् ।
पत्रकार हत्या ठूलो गल्ती भएको तर राजकुमार मोहम्मद विन सलमानको कुनै भूमिका नरहेको जुबेरले बताए ।
अक्टोबर २ मा टर्कीको स्तानबुल स्थित साउदी वाणिज्य दुतावासमा खासोग्गीको अपहरण पछि हत्या भएको थियो ।
अनियन्त्रित एजेण्टहरुले हत्या गरेको भन्दै साउदीले विश्व समुदायलाई स्पष्टीकरण दिएको छ ।
पत्रकार खासोग्गी राजकुमार सलमानको आलोचक रहेको बताईदै आएको थियो ।
मन्त्री जुबेरले दोषीमाथि कार्बाही हुने बताएका छन् । साउदीका राजकुमार सलमानले अमेरीकी राष्ट्रपति डोनाल्ड ट्रम्पसगँ भेटे पछि उक्त प्रतिकृया आएको हो ।
शुरुमा सकुसल दुतावासबाट बाहिरिएको भनेर ढाँटेको साउदीले पछि झगडाको क्रममा मृत्यु भएको बताएको थियो । उनको हत्याको ससारभरबाट विरोध भईरहेको छ ।
