काठमाडौ ६ वैशाख ।
गृहमन्त्री रामबहादुर थापाले देश भित्र र बाहिरका शत्रुहरु अस्थिरता पैदा गर्ने तयारीमा रहेको भन्दै सुरक्षालाई मजबुत बनाउन निर्देशन दिएका छन् ।
आज बिहान जिल्ला प्रहरी कार्यालय, चितवनको निरीक्षणपछि उहाँले देशलाई हिजोकै अस्थिरतातर्फ फर्काउने दाउमा केही शक्ति लागिपरेको भन्दै सुरक्षा संयन्त्रलाई बलियो बनाउन निर्देशन दिनुभएको हो ।
गृहमन्त्री थापाले पछिल्लो समय चितवन जिल्ला अपराधी लुक्ने ठाउँका रुपमा विकास हुँदै गएको भन्दै सुरक्षा नीतिमा परिमार्जन गरी आवश्ययक सुरक्षा व्यस्था चुस्त बनाउनुपर्नेमा जोडदिनुभयो ।
लागूऔषध दुर्व्यसनी, तस्करी र कारोबारी बढ्दै गएको भन्दै त्यसलाई नियन्त्रण गर्न विशेष कार्ययोजना बनाउन जरुरी रहेको धारणा राख्नुभयो ।
उहाले प्रहरी संगठनमा भौतिक पूर्वाधार, उच्च प्रविधिलगायतको अभावका बीच पनि संगठनले आफ्नो छवि उच्च राखेर अपराध नियन्त्रणमा महत्वपूर्ण योगदान र्पुयाएको भन्दै यसलाई अझ सशक्त बनाएर अघि बढ्नुपर्ने बताउनु भयो ।
