काठमाडौं ,चैत्र २९ ।
प्रधानमन्त्री केपी शर्मा ओलीले आतंककारी गतिविधि अहिलेको प्रमुख सुरक्षा चुनौती भएकोले त्यसको नियन्त्रणमा तत्पर रहन सुरक्षा निकायलाई निर्देशन दिनुभएको छ ।
हिंसात्मक गतिविधिमा क्रियाशिल अतिवादी तत्वहरु, अन्तर्रा्ष्ट्रिय आतंककारी गतिविधिको चुनौतीका साथै क्षेत्रीय र जातीय विद्वेषमा आधारित द्वन्द्वहरु अहिलेको वास्तविक खतरा रहेकोले उक्त खतरा विरुद्ध सुरक्षा निकाय सदैव तयार रहनु पर्नेमा उहाँले जोड दिनुभयो ।
नेपाली सेनाले भक्तपुरको खरिपाटीमा आयोजना गरेको कार्यक्रमलाई बोल्दै प्रधानमन्त्री ओलीले आतंककारी गतिविधिले शान्ति सुरक्षा, अर्थतन्त्र र सामाजिक एकतामा प्रत्यक्ष आघात पार्ने बताउनुभयो ।
प्रधानमन्त्री ओलीले २१ औं शताब्दीको अर्को महत्वपूर्ण चुनौती साइबर सुरक्षा भएको भन्दै साइबर सुरक्षाको विश्वसनीय योजना सहित सुरक्षा निकायहरुबीच असरदार समन्वय बनाउनु जरुरी रहेको बताउनुभयो ।
लामो अस्थिरता पछि देश स्थायित्वतर्फ अग्रसर भएको र स्थायित्वको जगमा नेपालको विकास वर्तमान सरकारको लक्ष्य भएको उहाँले बताउनुभयो ।
प्रधानमन्त्री ओलीले नेपाली सैनिकहरुले विश्वका द्वन्द्वग्रस्त मुलुकहरुमा र्पुयाएको योगदानलाई नेपाललाई शान्ति सैनिकहरुको देशको रुपमा चिनाएको भन्दै प्रशंसा गर्नुभयो ।
