काठमाडौं चैत्र २१ ।
एमालेसँगको एकता प्रक्रिया, पार्टी विधान संशोधन लगायत विषयमा छलफल गर्न माओवादी केन्द्रको संसदीय दलको बैठक अहिले बसिरहेको छ ।
सिंहदरवारस्थित पार्टी संसदीय दलको कार्यलयमा जारी बैठकमा पछिल्लो समसामायिक राजनीति र विधान संशोधनबारे छलफल हुने नेता अग्नि सापकोटाले जानकारी दिनुभयो ।
आगामी वैशाख ९ गते पार्टी एकीकरणको तयारी भएपनि माओवादी केन्द्रले सम्मानजनक हैसियतमा पार्टी एकिकरण हुनुपर्ने बताउँदै आएको छ ।
नेता सापकोटाले तत्कालिन समयमा चुनाव जित्ने आधारमा ६०–४० को भागवण्डा भनिएपनि अव त्यो सिद्धान्तले काम नगर्ने प्रष्ठ पार्नुभयो ।
उहाँले दुई पार्टीवीच भौतिक मिलन हैन रसायनिक मिलन खोजिएको बताउनु भयो ।
राजनीतिक कार्यदलसँगै विधान र संगठनात्मक कार्यदलले तयार पारेको एकता प्रतिवेदनको खाका बारेमा पनि आजको बैठकमा छलफल हुने नेताहरुले बताएका छन् । पार्टीको विधान संशोधनको विषयमा समेत संसदीय दलको वैठकमा छलफल हुने नेता सापकोटाले बताउनुभयो
