काठमाण्डौ , १५ चैत ।
प्रतिनिधि र प्रदेशसभा सदस्य निर्वाचनमा पार्टीले भोग्नुपरेको पराजय तथा आगामी रणनीति तय गर्न गत शुक्रबारदेखि जारी नेपाली कांग्रेसको केन्द्रीय कार्यसमितिको बैठकमा नेताहरुबीच नै आरोप प्रत्यारोको श्रीङखला चलिरहेको छ ।
पार्टी केन्द्रीय कार्यालय सानेपामा आज बसेको बैठकमा बोल्ने सदस्यहरुले पार्टी सभापति शेरबहादुर देउवाको बचाउ गरेका छन् ।
बैठकमा अधिकांश केन्द्रीय सदस्यहरुले सभापति शेरबहादुर देउवाको चर्को आलोचना गर्दै आएका थिए । तर आजको बैठकमा बोल्ने केन्द्रीय सदस्यहरुले भने सभापति देउवाको बचाऊ गरेका छन् ।
आजको बैठकमा नेताहरु रमेश रिजाल, भीष्मराज आङ्देम्बे, महेन्द्र यादव, ज्ञानेन्द्र कार्कीलगायतले धारणा राखेका थिए ।
निर्वाचनमा भोग्नुपरेको पराजय र भावी रणनीतिका विषयमा धारणा राख्नेक्रम जारी रहेको प्रवक्ता विश्वप्रकाश शर्माले जानकारी दिनुभयो ।
आजसम्म ३८ जना केन्द्रीय सदस्यले धारणा राखिसकेका छन् भने करिब तीन दर्जन केन्द्रीय सदस्यले बोल्न बाँकी रहेको पनि शर्माले जानकारी दिनुभयो ।
बैठक भोली बिहान ११ बजे पुन बस्ने छ ।
यसैबीच आजको बैठकमा केन्द्रीय सदस्यहरुले शेयर बजार ओरालो लागेको सम्बन्धमा चिन्ता व्यतm गरेका छन । केन्द्रीय सदस्य भीष्मराज आङदम्बेले स्थानीय, प्रदेश र संघीय संसद्को निर्वाचन सम्पन्न भई मुलुकमा तुलनात्मक सहज राजनीतिक वातावरण बनेका बेला शेयर बजार ओरालो लाग्नु सुखद् नभएको बताउनु भएको थियो ।
अर्का नेता डा रामशरण महतले पनि शेयर बजार ओरालो लागेको सम्बन्धमा चिन्ता व्यक्त गर्नुभएको थियो ।
