काठमाडौं ६ चैत,।
संघीयता खारेजीको माग गर्दै राष्ट्रिय जनमोर्चाले प्रदेश ३ का मुख्यमन्त्री डोरमणि पौडेललाई ज्ञापनपत्र बुझाएको छ । संघीयताका दुर्भाग्यपूर्ण परिणाम आउन भन्दा अगाडि नै खारेज गर्न माग गर्दै जनमोर्चाल आज मुख्यमन्त्री पौडेललाई ज्ञापनपत्र बुझाएको हो ।
समाजवाद उन्मुख प्रगतिशील नीति तथा कार्यक्रममा आफूहरुको समर्थन रहे पनि राष्ट्रियता अखण्डताका लागि नेपालमा संघीयता स्वीकार्य नहुने जनमोर्चाले पत्रमा स्पष्ट पारेको छ ।
दुई पृष्ठ लामो पत्रमा अन्तरिक संविधान ०६३ मा समेत संघीयता व्यवस्था नभएको उल्लेख गर्दै जनमोर्चाले भारतीय दवावमा अन्तरिक संविधानलाई संशोधन गरी संघीयता ल्याइएको दावी गरेको छ ।
यसैबिच राष्ट्रिय जनमोर्चाका अध्यक्ष चित्रबहादुर केसीले टिकापुर हत्याकाण्डका अभियुक्त रमेश चौधरीलाई संसदको सपथ गराउने प्रयत्न भइरहेको भन्दै आपत्ति जनाउनु भएको छ ।
केसीले विज्ञप्ति जारी गर्दै अपराधी छुटाउनलाई जिम्मेबारपक्षबाट जुन प्रकारको प्रयत्न भइरहेको छ त्यो प्रयत्नलाई आफ्नो पार्टीले घोर भ्रत्सना गर्ने जनाउनु भएको छ । साथै केसीले चौधरीमाथि कडाभन्दा कडा कारबाहीको माग समेत गर्नुभएको छ ।
