काठमाडौं, २ चैत्र ।
एमाले र माओवादी केन्द्रले सरकारमा जाने मन्त्रीको नाम र मन्त्रालयको जिम्वेवारी टूगाएका छन् । सरकारलाई पुर्णता दिनको लागि एमालेले ७ र माओवादीले ५ जनाको नाम टुंग्याएको हो ।
एमालेबाट नेता प्रदिप ज्ञवालीले परराष्ट्र मन्त्रालय, गोकर्ण विष्टले श्रम तथा रोजगार मन्त्रालय र रविन्द अधिकारीले पर्यटन मन्त्रालयको जिम्वेवारी पाउनु भएको छ ।
यस्तै एमालेका अर्का नेता रघुवीर महासेठले भौतिक पुर्वाधार मन्त्रालय, शेरबहादुर तामाङले कानुन मन्त्रालय मन्त्रालय, जगत विश्वकर्माले युवा तथा खेलकुद मन्त्रालय र गोकुल बास्कोटले सञ्चार राज्यमन्त्री को जिम्वेवारी पाउनु हुने भएको छ ।
एमालेका लालबाबु पण्डितले भने सरकार गठन संगै संघीय मामिला तथा सामान्य प्रशासन मन्त्रालयको जिम्बेवारी सम्हाली सक्नु भएको छ ।
यस्तै माओवादीकेन्द्रबाट नेता वर्षमान पुन अनन्तले उर्जा तथा जलस्रोत मन्त्रालय, गिरिराजमणि पोखरेलले शिक्षा मन्त्रालय र शक्ति बस्नेतले वन मन्त्रालयक सम्हाल्नु हुने भएको छ ।
अर्का नेता चक्रपाणि खनालले कृषि तथा शहकारी मन्त्रालयको जिम्बेवारी पाउनु भएको छ । यस्तै अध्यक्ष प्रचण्डकी बुहारी विना मगरले खानेपानी मन्त्रालय सम्हाल्नु हुने भएको छ ।
