काठमाडौं, चैत २ ।
चार बजे नै हुने भनिएको मन्त्रीपरिषद् विस्तारमा ढिलाई भएको छ ।
आज दिउँसो ४ बजे मन्त्रीहरुको सपथ हुने जानकारी पाएपछि राष्ट्रपति भवन शीतल निवासले आवश्यक तयारी गरेको थियो ।
तर सबै तयारी पूरा भएर कर्मचारीहरु तयार भए पनि अहिलेसम्म कति जना मन्त्रीलाई सपथ गराउने भन्ने कुनै जानकारी नआएको शितल निवास स्रोतले जनाएको छ ।
’
फोरम र राजपालाई पनि सरकारमा सहभागी गराउन प्रधानमन्त्री केपी शर्मा ओलीले पटक पटक बालुवाटारमा छलफल गरिसक्नुभएको छ ।
एमाले र माओवादीबाट मन्त्री बन्नेको टुंगो लागे पनि फोरम र राजपाबाट सरकारमा सहभागी हुनेबारे अन्तिम निर्णय भइनसकेकोले छलपल लम्विएको बताईएको छ ।
फोरम र राजपा नआए पनि मन्त्रिपरिषद विस्तार गर्ने तयारीमा प्रधानमन्त्री रहनु भएको बालुवाटार श्रोतले जनाएको छ ।
उपसभामुखको चुनाव पनि भैसकेकाले र राजपा र फोरमसँग छलफल पनि चलेकाले सपथमा ढिलाई भएको श्रोतले दावी गरेको छ ।
