काठमाडौं, चैत्र १ ।
प्रतिनिधिसभाको उपसभामुखमा प्रमुख प्रतिपक्षी दल नेपाली कांग्रेसकी पुष्पा भुसालले उम्मेदवारी दिनुभएको छ । उहाले संसद भवनमा आज पौने १ बजे उम्मेदवारी दर्ता गराउनु भएको हो । उहाको प्रस्तावकमा डिला संग्रौला र समर्थकमा देवेन्द्रराज कँडेल रहनु भएको छ ।
उम्मेदवारी दिएपछि उहाले प्रतिपक्षीले संसदमा प्रभावकारी भूमिका खेल्ने भएकोले सरकार पक्षले आफूलाई समर्थन गर्नुपर्ने बताउनु भएको थियो । यसअघि कांग्रेसले सभामुखमा भने पार्टीका तर्फबाट उम्मदेवारी दिएको थिएन ।
यही चैत २ गते हुने प्रतिनिधिसभाको उपसभामुखको निर्वाचनका लागि कांग्रेस पदाधिकारी बैठकले आज उहालाई पार्टीका तर्फबाट उम्मेदवार बनाउने निर्णय गरेको थियो ।
प्रतिनिधिसभा सदस्य भुसाल यसअघि पहिलो संविधानसभामा समेत निर्वा्चित भैसक्नुभएको थियो ।
यस्तै वाम गठबन्धनबाट उपसभामुखमा शिवमाया तुम्बाहाम्फेले उम्मेदवारी दिनुभएको छ । आज दिउँसो साढे १ बजे उहाले उम्मेदवारी दिनुभएको बताईएको छ ।
उहाको प्रस्तावकमा भने देव गुरुङ र समर्थका रवीन्द्र अधिकारी हुनुहुन्छ ।
संघीय संसद् सचिवालयले भोलि दिउँसो १ बजे उपसभामुखको निर्वाचनका लागि मिती गरेको प्रवक्ता डा भरतराज गौतमले जानकारी दिनुचएको छ । उपसभामुखको निर्वाचनका लागि आज बिहान ११ देखि २ बजेसम्म उम्मेदवारी मनोनयन दर्ताको समय निर्धारण गरिएको छ ।
प्रतिनिधिसभाका सभामुखको निर्वाचन गत फागुन २६ गते सम्पन्न भएको थियो । सभामुखमा नेकपा (माओवादी केन्द्र)का नेता कृष्णबहादुर महरा निर्विरोध निर्वा्चित भइसक्नुभएको छ । संविधानको धारा ९
१ मा प्रतिनिधिसभाको पहिलो बैठक प्रारम्भ भएको मितिले १५ दिनभित्र सभामुख र उपसभामुखको निर्वाचन गरिसक्नुपर्ने व्यवस्था छ
प्रतिनिधिसभाको पहिलो बैठक गत फागुन २१ गते बसेको थियो । त्यस्तै सभामुख र उपसभामुखमध्ये एकजना महिला हुनुपर्ने र दुवै पदमा फरक फरक दलको प्रतिनिधित्व हुनुपर्ने संवैधानिक प्रावधान रहेको छ ।
