काठमाडौ ,१ चैत्र ।
भोलीसम्ममा सरकार विस्तार गर्ने तयारी गर्नुभएका प्रधानमन्त्री केपी शर्मा ओलीले आज माओवादी केन्द्रका अध्यक्ष पुष्पकमल दाहाल प्रचण्डसँग छलफल गर्दै हुनुहुन्छ ।
सत्ता साझेदार माओवादी केन्द्रका अध्यक्ष प्रचण्डसँग आज छलफल गरी बेलुकी सम्ममा मन्त्री बन्नेको नाम टुंग्याएर भोलि मन्त्रिपरिषद विस्तार गर्ने प्रधानमन्त्री ओलीको तयारी रहेको बालुवाटार स्रोतले बताएको छ ।
मन्त्रिपरिषद विस्तारका बारेमा प्रधानमन्त्री ओली र प्रचण्डबीच आज छलफल हुने भनिएपनि समय भने तय भइनसकेको प्रधानमन्त्री ओलीका राजनीतिक सल्लाहकार विष्णु रिमालले जानकारी दिनुभयो ।
सरकारमा सहभागी हुने बताइसकेको संघीय समाजवादी फोरम र सरकारलाई समर्थन गरेको राजपालाई पनि सरकारमा सहभागी गराउने विषय तथा मन्त्रालयको भागबण्डाबारे प्रधानमन्त्री र प्रचण्डले टुंगो लगाएपछि दुई दलसँग समेत छलफल गर्ने तयारी छ ।
