काठमाडौं, फागुन ३० ।
नवनिर्वा्चित राष्ट्रपति विद्यादेवी भण्डारीले आज पद तथा गोपनियताको शपथ ग्रहण गर्दै हुनुहुन्छ । हिजो मुलुकको तेस्रो राष्टपति तथा दोस्रो कार्यकालका लागि निर्वाचित हुनु भएका भण्डारीले आज शपथ ग्रहण गर्न लाग्नु भएको हो ।
राष्टपति भण्डारीको शपथ ग्रहणका कार्यक्रम अपरान्ह ४ बजेका लागि तय गरिएको शितल निवास स्रोतले जनाएको छ । उहाँको कार्यकाल पाँच वर्षको हुनेछ ।
राष्ट्रपतिलाई प्रधानन्यायाधीद्वारा शपथ ग्रहण गराउने व्यवस्था छ । तर प्रधानन्यायाधीश गोपालप्रसाद पराजुली विवादमा पर्नु भएकाले को बाट शपथ लिने भन्ने नैतिक संकट भण्डारीलाई परेको छ ।
भण्डारी ११ कात्तिक २०७२ मा पनि नेपालको दोस्रो राष्ट्रपतिमा निर्वा्चित हुनु भएको थियो ।
यसैबीच राष्ट्रपति निर्वाचनका लागि प्रदेशहरुबाट समेत सांसदहरु काठमाडौंमा आएको मौका पारेर ओलीले चियापान कार्यक्रम गरेका हुन् ।
संघीय संसद (राष्ट्रियसभा र प्रतिनिधिसभा) र प्रदेशसभाका सांसदहरुलाई बिहान चियापानका लागि बालुवाटारस्थित निवासमा उपस्थित हुन भनिएको प्रधानमन्त्रीको सचिवालयले जनाएको छ ।
खासगरी आफूलाई संसदमा विश्वासको मत दिएका सांसदहरुका लागि ओलीले चियापान कार्यक्रम आयोजना गरेको स्रोतले बतायो । ओलीले २७ फागुनमा विश्वासको मत पाएका थिए । ओलीलाई तीन चौथाइभन्दा बढी सांसदहरुले मत दिएका थिए ।
